Hau ezustea, gaur goizekoa. Dena prest zegoen informatika gelara joateko. Eta asmoa ez zen makala: etxetik internetera sartzerik ez dutenek gaur ikusiko zuten gure blog hau.

Halere, dena alferrik izan da. Lehenengo saioan, arbelan, betiko moduan, blogaren inguruko azalpen tradizionala ikusi duzue. Bigarren saioan, halere, onena zetorren. Praktika. Informatika gelan, askatasun osoz, blog honetan sartu eta parte hartu. Nabigatu.

Hara iristean, ordea, askotan gertatzen dena. Internet ez zebilen. Hondatuta zegoen. Berriro. Kurtso hasiseratik hamaika alditan gertatu den bezalaxe.

Nik egia esateko, ez nekien oso ongi nondik jo. Zer egin. Aurreko aldien antzera informatika arduradunari eman diot honen berri. Eta horretaz gain, zer?

Ba, zuei pentsatzeko aukera eman dizuet. Besterik gabe. Asanbladan elkartu zarete eta, egoera aztertu ondoren, zuek bakarrik ondorio batzuetara iritsi zarete.

Ni aparte nengoen, nire mahaian, lanak prestatzen. Egia esateko, zuei kasu gehiegi egin gabe. Azken finean ni ez nengoen gonbidaturik zuen batzar horretara. Baina kanpotik ikusita zoragarria izan da.

Zergatik? Moderatzaileak bikaintasunez burutu du bere papera. Besteok txandaka eta lasaitasunez azaldu dituzue zuen iritziak, egitekoak. Denen artean arbelan testu bat idazten ikusi zaituztet. Atsegin handiz.

Beno, hemen duzue zuen eremu bat gertatutakoa azaltzeko eta zuen ideiak zabaltzeko, beti modu onean.

Bihar arte koadrila.

RAUL

LEHIAKETA: Ezetz asmatu non dauden leku hauek.

LAUGARREN ARGAZKIA

BOSTGARREN ARGAZKIA

SEIGARREN ARGAZKIA

ZAZPIGARREN ARGAZKIA